KORONADAL CITY– Nagapadayon ang imbestigasyon sang Koronadal City PNP sa natabo nga pagpamuno sa isa ka myembro sang LGBT sa siyudad sang Koronadal.
Sa interbyu sang Bombo Radyo Koronadal, ginkilala ang biktima kay Christopher, 24 anyos kag residente sang Brgy. GPS, siyudad sang Koronadal kun diin nakigkita suno pa ini sa iya textmate kaupod ang 4 pa ka mga kaupdanan sini.
Gilayon naman ini nga nag-upod sa 5 ka mga lalaki sakay sa motorsiklo sa pagpati nga masaligan ang mga ini kun diin gindala siya sa pampubliko nga sementeryo sa Brgy. New Pangasinan kag aminado nga nakighilawas ini sa 2 sa 5 ka lalaki didto.
Makaligad nga makighilawas sa 2, wala na suno pa nasarangan sang iya lawas kag nagpagindi ini apang naakig ang 3 pa ka mga lalaki nga wala sini napasugtan nga nagresulta sa pagpamuno sa biktima.
Na-angkon ini sang pilas sa iya dughan, kili-kili kag sa iban pa nga bahin sang iya nga lawas.
Ginbilin suno pa ini nga pilason sa sementeryo kun diin maswerte na lamang kag may nagresponder sa nasambit nga biktima kag nadala ini sa balay-bululngan.
Nahibaluan nga wala makilala sang biktima ang identity sang mga suspek bangud textmate lamang sini ang isa sa ila.
