KORONADAL CITY- Naglab-ot sa masobra 4,000 ka mga motorcycle enthusiast hobbyist kag iban pa ang nakigbahin sa first motorcycle festival kag National Federation of Motorcycle Clubs Annual Convention sa syudad sang Koronadal.
Nahibaluan nga ang nasambit nga pagtililipon sang mga grupo sang motorista kag indibidwal ang may tinutuyo nga pagbreak sang record sang Guinness sa pinakamadamo nga numero sang motorsklo nga dungan nga nag andar kag nagbusina.
Kaangot sini ang pamunuan mismo sang Guinness Book of World Records ang nagpadulong sa syudad kag ginsaksihan ang nasambit nga aktibidad kun sa diin ang mga nagtambong ang naghalin pa sa nagkalain lain nga lugar.
Kaangot sini, wala napunggan sang nagluntad nga linog ang pagpatigayon sang nasambit nga aktibdidad kun sa diin nakakas ang nabatyagan nga kahadlok sang mga pumuluyo samtang nasaylo naman ang atensyon sang katawhan sa masadya nga aktibidad.
Makaligad sini, pagahulaton na lamang sang Koronadal City government ang resulta halin sa Guinness Book of World Records nga naangkon na sang syudad sang Koronadal ang record sang pinakamadamo nga motorsiklo nga nagbusina kag dungan nga nagpaandam sang ila motorsiklo.
Madumduman nga kapot anay sang isa ka kumbuyuhan sang motorsiklo ang record sang may pinakamadamo nga motrsiklo nga nagpaandar kag nagbusina sang ila mga motor.
