KORONADAL CITY- Nabatayagan man ang kabaskugon sa probinsya sang South Cotabato subong nga aga.
Nahibaluan nga kabahin sa mga apektado nga lugar amuh ang sentro sang South Cotabato nga Koronadal City, mga kalapit nga banwa kasubong sang Tupi, Polomolok, Banga, Surallah, Tboli, Lake Sebu kag mangin man ang Norala kag Tantangan South Cotabato kun sa diin sa probinsya napagkit ang intensity 5 nga linog.
Ang kalapit nga banwa sang Sultan Kudarat ang nakapagkit man sang Intensity 2.8 kag nabatyagan ang pagtay-og sa mga banwa sang Lebak kalamansig, Esperanza kag mangin man ang syudad sang lungsod ng Tacurong.
Bangud sa nasambit nga pagtay-og naguluwa ang mga residente bangud sa tuman nga kahadlok, mangin ang mga gagmay nga mga kabataan ang naghilibion bangud sa kahadlok.
Nagdugang man sa panic ang pagkadula sang kuryente sa mga apektado nga lugar.
Kaangot sini, ang mga bisita para sa First motorcycle festival nga ginahiwat sa syudad sang Koronadal subong nga adlaw ang ginkibot man bangud sa preparasyon sang aktibidad, napagkit ang pagtay-og apang gindayon sa gihapon ang mga aktibidad.
Suno sa isa sa mga opisyal sang Phivolcs nga si Lani Danlag, sentro sang linog ang Davao Occidental kun sa diin nakapagkit sang Intensity 7.3 nga linog kag tectonic ang origin.
Nagpaandam man ang Phivolcs nga lauman ang aftershocks makaligad ang pagtay-og kag mangin alerto kag tandaan ang Duck, Cover and Hold agud madipensahan ang kaugalingon.
