KORONADAL CITY- Pagatilawan sang Koronadal City ang Guinness book of world record sang mga motorsiklo nga dululungan nga busina kadungan sang ginpatigayon nga first motorcycle festival kag National Federation of Motorcycle Clubs Annual Convention sa siyudad.
Sa interbyu sang Bombo Radyo Koronadal kay Koronadal City Mayor Peter Miguel, yara sa masobra 3,000 mil ka mga motorista ang magatambong sa Abril 29, 2017 kadungan sang pagtakop sang aktibidad kun diin pagalakipan ini sang mga motor enthusiast, pulitiko lakip na ang surpresa nga mga artistang nga magapartisipar agud maghimo sang maragtas sa dululungan nga pagpapandar sang mga motorsiklo kag dululungan nga pagbusina.
Dugang pa sini nga ginalauman nga makuha sang siyudad ang nasambit nga record kag maagaw ang kasamtangan nga record holder nga isa ka kilala nga kumbuyuhan sang motorsiklo.
