Militar kag PNP sa SoCot, nagpatuman sang hugot nga monitoring vs armado nga grupo

KORONADAL CITY- Hugot nga monitoring ang ginpatigayon sang Philippine Army kag PNP sa probinsya sang South Cotabato batuk sa mga bandido nga grupo lakip na sa mga kriminal.

Ini ang ginpasiguro ni PSSUPT Franklin Alvero, provincial director sang South Cotabato.

Nahibaluan nga ini ang ginpatuman matapos ang naobserbahan nga presensya sang mga rebelde nga grupo sa pila ka bahin sang probinsya kasubong sang New People’s Army labi na sa nabukid nga bahin sang probinsya.

Apisar nga wala suno pa sang seryoso nga pamahog sa seguridad sa probinsya, dapat lamang ngamangin vigilante ang tropa sang gobyerno.