-- ADVERTISEMENT --
KORONADAL CITY- Nagapadayon ang imbestigasyon sang Koronadal City Fire Office sa pagkasunog sang isa ka puluy-an sa Brgy. Namnama syudad sang Koronadal.
Ginkilala ang mga biktima nga mag-asawa nga sanday Romeo Mateo, 57 anyos isa ka Army reservist kag Conception Mateo 58 anyos kag isa ka public school teacher.
Nahibaluan nga pasado alas 10 sang gab-i kagab-i sang magluntad ang sunog kun sa diin ginapatihan nga naghalin sa naka charge nga gadget.
Nakaresponde a ang BFP apang wala na nahingagaw bangud tuman kabaskog na ang kalayo.
Ginabulubanta nga nagalab-ot naman sa isa ka milyon ang napagkit nga damyos sa nasambit nga sunog.
