Empleyado sang City Veterinary Office, naghikog-patay!

KORONADAL CITY – Wala na sang kabuhi sang masapwan ang isa ka padre de pamilya makaligad nga maghikog.

Ginkilala ang napatay nga si Delmar Malanog Macalipay, 38-anyos, may asawa nga residente sang Purok Centro, Barangay San Jose, Koronadal City kag animal technician sang City Veterinary Office sang Koronadal.

Sandig sa report, nasapwan sang isa ka Menchie Porcadilla ang biktima nga nagabitay sa puno sang Santol sa likod sang ila nga puluy-an.

Gilayon naman ini nga ginpahibalo sa asawa sang biktima kag didto pa nakita ni Evelyn nga patay na ang bana kun diin nag-usar ini sang higot sa paghikog.

Isa naman sa ginalantaw nga motibo sa paghikog sang suspek ang ginasuprer nga balatian sini kun diin siya ang ginpaidalom sa dialysis.