7th Summer training festival pormal na nga ginbuksan sa syudad sang Koronadal

KORONADAL CITY- Nagapanawagan ang Koronadal City government kadungan sang pormal na nga pagsugod sang Summer training festival sa syudad sang Koronadal nga tubtob bwas na lang ang deadline sang ila pagbaton sang mga registrants para sa nasambit nga aktibidad.

Sa interbyu sang Bombo Radyo Koronadal kay City Sports Coordinator, Tony Aguilar sa kabug-usan may yara na sila sang 2,500 ka mga registrants para sa 40 ka events.

Dako suno pa ang mabulig sini sa pagdevelop sang skills sang mga kabataan samtang nagabakasyon.

Nahibaluan nga ang Summer training festival sa syudad sang Koronadal ang yara na sa ika 7 ka tuig nga ginapatigayon.

photo cto: Koronadal City administrator Cyrus Urbano