KORONADAL CITY – Nagsaka na sa anum ka mga suldado ang pilason sa nagluntad nga engkwentro batuk sa grupo sang Bangsamoro Islamic Freedom Fighters (BIFF).
Ini ang ginkumpirmar ni 33rd Infantry Batallion Commander Lt. Col. Harold Cabunos sa interbayu sang Bombo Radyo Koronadal.
Suno kay Cabunoc, ang engkwentro ang natabo sa tunga sang 2nd Mechanized Infanrty Brigade kag 40th Infantry Batallion batuk sa BIFF sa probinsiya sang Maguindanao.
Apang sa pihak sang hitabo, pursigido ang militar nga mapauntat ang kalakasan nga tuga sang BIFF.
Aminado si Cabunoc nga apisar nabungkag na ang grupo sang BIFF mahimo pa gihapon sila nga makatuga sang kalakasan sa mga residente sa mga lugar nga ila ginasalakay.
Ginpasiguro man sang opisyal nga magabantay sila sa ila nga mga area agud nga mapunggan nga magtuga pa sang kinagamo ang mga BIFF.
