KORONADAL CITY- Aktibo ang kapulisan sa ginapatigayon nga operasyon batuk sa iligal nga droga apisar sa tunga sang obserbasyon sang semana santa.
Nahibaluan nga 2 ka asud-asod nga anti-illegal drugs operation ang madinalag-on nga ginpatigayon sa probinsya sang Sultan Kudarat kun sa diin arestado ang isa ka Ismael Pananggilan sang Brgy. Kalawag dos Isulan Sultan Kudarat nga isa sa mga yara sa target list sang Isulan PNP samtang 4 naman ang arestado kag naaktuhan nga naga pot session sa isa ka lodging house sa nasambit nga banwa kun sa diin arestado sanday Nasrudin Kuit, Vergara Catanaga kg duha ka babayi nga wala ginhingadlan kun sa diin narekober ang 4 ka pakete sang shabu kag mga drug paraphernalia.
Samtang kalakip naman sa 8 ka drug suspects nga ginpasakaan na sang kaso makaligad ang operasyon sang PNP kag PDEA 12 sa South Cotabato kag Sultan Kudarat kun sa diin kalakip sa mga na-arestar amuh sanday Levy Salaan Pito, 41; Dario Simbahon Butong, 32; Ronnie Degala Carigaba, 50 na mga residente ng Banga, South Cotabato kg Oliver Perocha Capasillo, 42 nga taga Barangay Sinolon, Tboli, South Cotabato, samtang madumduman nga 3 pa ka drug suspects halin sa syudad sang Koronadal ang arestado sang ginsalakay ang isa ka drug den kun sa diin naarestar sanday Garry Jaspe Delmo nga yara sa drug watchlist, 35, An-An Montejo Lemari, 36 kag Cyrle Jhon Collado Magan, 28 nga residente sang Brgy. Poblacion, Sto. Niño samtang arestado man ang isa ka anay barangay kagawad nga notoryus sa pagduso sang iligal nga droga nga ginkilala kanday Larry Mulana, 38 nga residente sang Kalye Apeke, Poblacion, Palimbang, Sultan Kudarat.
Sa nasambut nga operasyon narekober ang mga pakete sang shabu kag mga armas lakip na ang mga bala kag drug paraphernalias.
