KORONADAL CITY- Nagpanibabaw sa tanan nga mga kasaysayan sa Light at the end of the tunnel contest sang Bombo Radyo ang kasaysayan sang tampad nga paghiguma sang isa ka 74 anyos nga lola makaligad nga ginkilala bilang first prize winner sa Kahapon Lamang Program sang Bombo Radyo.
Ginkumparar ni lola Luding ang ila nga paghigugmaanay ni lolo Elyong sa isa ka tubo ukon sugar cane bangud sa katam-is sang ila nga paghigugma.
Nahibaluan nga antes pa man ginbun-ag sa kalibutan , gintugpo na siya sang iya amay nga ipakasal sa bata sang abyan sini.
Nagsugod ang istorya sang paghigugma sang mga ini tuig 1950’s sang nakilala ni lola Luding si lolo Elyong sa patahian kun diin ini nagatrabaho kun diin si lolo Elyong ang na ‘love at first sight’ kun diin siya man ang nangin magkarelasyon.
Apang bangud sa kasugtanan sang amay ni lola Luding nga ipakasal siya sa subang nga bata sang suod sini nga abyan, dapat nga tumanon sini ang luyag sang amay kag kinahanglan nga makigbulag sa iya ginahigugma.
Kag bangud sa tuman sini nga ginahigugma si lolo Elyong, ginhatag sini ang iya pagkababaye antes pa man ini nga kaslon sa wala pa niya makilala nga lalaki kun diin nagbunga ang ila una likom nga paghigugmaanay.
Sang nag-abot na ang adlaw nga ginpakilala kay lola Luding ang igapakasal sa iya, ginkakibot sini sang mahibaluan nga ang lalaki nga igapakasal sa iya utod ni Lolo Elyong.
Halos magsakot ang langit kag duta sang liwat sila nga nagkitaay kun diin ginpahibalo nila sa ila mga ginikanan nga madugay na sila nagkilalahay kag nagbunga sang paghigugmaanay kag tubtob sa ulihi wala sang may nahimo ang mga ginikanan sini kundi ang suportahan sila kag ipakasal.
