KORONADAL CITY – Nagapadayon ang imbestigasyon sa nagluntad nga pagpangluthang sa banwa sang Tantangan, South Cotabato.
Ini makaligad nga ginbawian sang kabuhi ang isa ka lalaki samtang pilason naman ang kaupod sini makaligad nga ginpaulanan sang bala sa Mangoso Farm sa Purok Bagong Silang, Barangay Bukay Pait, Tantangan.
Suno kay Barangay Kapitan Jose Orosio, sa pagresponder sang kapulisan narekober sang mga ini ang bangkay sang isa ka Nasruidin Kamid Haladin, 21, may-asawa, mangungunma kag residente sang Purok Calamunding, Barangay Bentong Sulit, Polomolok nga naigo sang bala sa nawala nga abaga nga naglusot sa nawala nga bahin sang lawas sini.
Ginkilala naman ang pilason nga si Gonzales Paidomama Kamal, 44, may-asawa, mangunguma kag residente sang Tinambulan, Buluan, Maguindanao nga naigo sang bala sa likod kag gindala sa South Cotabato Provincial Hospital.
Narekober sa ginluntaran sang insidente ang isa ka homemade shotgun, duha ka motorsiklo, sling bag kag duha ka guba nga cellphone.
Ginahibalo na sa subong sang mga otoridad ang identity sang mga suspek kag ang motibo sang krimen.
