KORONADAL CITY- Ginahibalo pa sa subong sang Bureau of Fire Protection ukon BFP ang gintunaan sang kalayo nga nagtupok sa masobra P5 milion pesos nga kantidad sang proriedad sa isa ka kolehiyo sa siyudad sang Koronadal.
Sa interbyu sang Bombo Radyo Koronadal kay City Fire Marshall,Senior Inspector Reginald Legaste, naglab-ot sa ikaduha nga alarma ang sunog sa Marbel Institute of Technical College ukon MITC sa Alunan Avenue kagab-i.
Suno kay Legaste nga nagbulig sa pag-apula sang kalayo ang volunteer fire brigade sang Koronadal kag mangin ang BFP sa mga banwa sang Banga kag Tantangan.
Nahibaluan nga 13 ka mga classroom sang nasambit nga buluthuan ang gintupok sang kalayo nga nagsugod alas sais kagab-i.
Nagdeklarar nga fire out ang BFP pagkatapos sang 40 minutos.
Dako naman ang kanugon sang pamunuan sang eskwelahan sa natabo.
