Phil Army sa mga NPA: hilwayon na ang 2 ka suldado nga gin-abduct sa Sultan Kudarat

KORONADAL CITY- Liwat nga nagpanawagan si 33rd IB Philippine Army commanding officer Lt. Col Harold Cabunoc sa mga katapu sang New People’s Army nga hilwayon na ang ginkidnap nila nga mga suldado sa Brgy. Telafas Columbio Sultan Kudarat kag ang iban pa nila nga mga bihag nga suldado.

Ini bangud nga epektibo naman ang pagbalik sa negosasyon sang gobyerno kag CPP-NPA-NDF sa The Netherlands.

Suno pa kay Cabunoc, ginahimo lamang sang mga suldado ang ila nga responsibilidad bilang tagpangapin sang mga inosente nga sibilyan kag wala sila sang plano nga makig-away bisan kay sin-o.

Aminado si Cabunoc nga may ginpadala na nga mensahe ang mga rebelde nga NPA nga hilwayon sanday Sgt. Solaiman Calocop kag Pfc. Samuel Garay.