KORONADAL CITY –Lima ka mga pulis ang nagpositibo sa ginpatigayon nga panibag-o nga drug testing sa Rehiyon 12.
Ini ang ginkumpirmar ni Police Supt. Romeo Galgo, spokesperson sang Police Regional Office (PRO) 12.
Suno kay Galgo, apat diri ang nagikan sa rehiyon kag isa naman ang yara sa national support unit nga nakadestino lamang sa rehiyon.
Pahayag ni Galgo nga yara na sa Camp Crame ang kaso sang mga ini kag nagapadayon ang ginahimo nga imbestigasyon.
Magluwas diri, may yara pa sang 11 ka mga pulis ang ginamonitor nga posible nga may kahilabtanan sa ilegal nga droga.
Ginpasiguro man ni Galgo nga padayon ang ginahimo nila nga drug testing sa tanan nga mga pulis sa rehiyon 12.
Yara naman sa 100% nga mga pulis ang nagpaidalom sa mandatory drug testing sang PRO 12 bilang kabahin sang internal cleansing sa bahin sang PNP.
