KORONADAL CITY – Wala mapunggan ni South Cotabato Governor Daisy P. Avance Fuentes nga magpabati-bati sa natabo nga pagsipa kay anay South Cotabato Governor Ismael “Mike” Sueno, bilang tiglikom sang DILG.
Sa interbyu sang Bombo Radyo Koronadal, ginpahayag ni Fuentes nga madugay na niya nahibaluan ang balita nga luyag ni Pangulong Duterte nga ibutang sa DILG post si anay senador Bongbong Marcos.
Suno sa iya, dapat nga ginhambalan lamang sini si Sueno nga indi na niya luyag ang serbisyo sa DILG kag indi sa kasubong sini nga paagi sa isyu sang korupsiyon bangud indi suno pa ini mahimo sang isa ka kasubong ni Sueno.
Dako naman ang pagpati ni Fuentes nga wala sang kamatuoran ang mga akusasyon batuk kay Sueno labi na nga naguwa man ang bagman sini nga taga-South Cotabato kag ginpanginwala ang mga isyu nga ginainvolbaran sini.
Sa subong, pangamuyo na lamang ni Fuentes nga maathagan ang tanan.
