600 estudyante nag-gradwar sa DARE program sang PNP sa South Cotabato

KORONADAL CITY- Naglab-ot sa 600 ka mga estudyante nagikan sa elementarya ang nag-gradwar sa banwa sang Sto. Niño South Cotabato sa Drug Abuse Resistance Education Program (DARE PROGRAM) sang PNP sa nasambit nga banwa.

Sa interbayu sang Bombo Radyo Koronadal kay PCI Ritchel Cabuslay, hepe sang Sto. Niño PNP, dako nga bulig ang nasambit nga programa sa mga kabataan agud nga mapakigbahin ang nagkalain-lain nga ihibalo bangud sa negatibo nga matuga sang iligal nga droga kag mga dapat nila nga himuon agud nga mapalayo sa bisyo.

Ginkalipay naman ni PCI Cabuslay nga nakumpleto sang mga kabataan ang module sang nasambit nga programa labi na bangud sa bug-os ang suporta sang mga ginikanan sa ila mga kabataan.