Kabalaka sang malapnagon nga brown-out sa summer, gindula

KORONADAL CITY- Kadungan sang pagsulod sang mainit nga panahon, gindula sang South Cotabato Electric Cooperative 1 (SOCOTECO) ang kabalaka sang mga konsumedores nga makaangkon sang malapnagon nga brownout sa lugar.

Sa interbyu sang Bombo Radyo Koronadal kay SOCOTECO 1 general manager Santiago Tudio, indi dapat mabalaka ang mga residente sa posibilidad sang rotating brownout kadungan sang pagsulod sang summer season kun diin ginalauman nga mas manubo ang suplay sang kuryente.

Ini bangud may nagakaigo suno pa nga supply sang kuryente kag nakapreparar sa mga posible nga matabo.

Apang, wala lamang kuntani sang matabo nga pagpalupok sang mga tower sang NGCP ang mga rebelde nga grupo.