KORONADAL CITY- Nagapadayon sa gihapon ang clearing operations sang 27th IB philippine army makaligad ang nagluntad nga pagpang atake sang rebelde nga New People’s Army sa Brgy. Tablu, Tampakan South Cotabato.
Sa interbyu sang Bombo Radyo Koronadal kay Police Senior Inspector Harold Coronel ang hepe sang Tampakan, PNP ginahulat pa nila ang go signal sang Philippine Army kun pwede nga makabalik sa ila mga puluy-an ang yara sa 100 ka indibidwal nga nagbakwit makaligad ang ginlusar nga harassment sang NPA sa CAFGU detachment malapit sa SMI base camp.
Sa subong nagapatigayon man sang road blockade pasulod kag pagwa sa probinsya agud mapasiguro ang kaluwasan sang mga pumuluyo.
Kaangot sini, ginalanataw nga anggulo sang kapulisan nga ang asud-asod nga pagpang-atake sang rebelde nga grupo ang may kaangtanan sa nagahilapit nga anibersaryo sang komunista nga grupo sa palaabuton nga Marso 29, 2017.
Sa pihak nga bahin, nahatagan naman sang nagapanguna nga bulig ang mga apektado nga pamilya sa nasambit nga engwentro nga nagapabilin pa sa mga evacuation center.
