Masobra 100 pamilya, nagapabilin sa evacuation matapos ang pagsalakay sang NPA sa NorthCot; pila ka mga sibilyan ginhimo nga humanshield
KORONADAL CITY – Nagapabilin karon sa Municipal gymnasium sang Banwa sang Antipas, North Cotabato ang yara sa masobra 100 ka pamilya nga nagbakwit makaligad ang ginhimo nga pagsalakay sang ginapatihan nga mga rebelde nga NPA sa nasambit nga banwa.
Suno kay Police chied Insp. Rolando Dillera, hepe sang Antipas PNP, ginsalakay sang yara sa 100 ka mga armado nga rebelde ang Sitio Malapangi, Barangay Camutan sa banwa sang Antipas nga nagresulta sa engkwentro sa tunga nila kag mga suldado.
Pila ka oras man nga gin-okupar sang mga rebelde ang Sitio Malapangi antes tigayon nga ginbayaan kun diin ginhimo nila nga human shield ang pial ka mga sibiliyan sa lugar agud nga makapalagyo sa mga suldado.
Sa subong ginahibalo pa sang mga otoriad kun pila ka mga sibilyan ang gindala sang mga rebelde.
bangud sa hitabo, mangin ang mga residente sa mga kaiping nga lugar sang Sitio Malapangi kasubong sang Agod kag Malire ang nagbakwit man sa kahadlok nga malamita sa nilukpanay.
Mangin ang klase sa mga buluthuan sa nasambit nga mga lugar ang apektado tubtob sa subong kag wala pa mahibaluan kun san-o mabalik sa normal.
Gilayon naman nga naghatag sang bulig ang MSWDO sa mga residente nga nagbakwit nga nagapabilin sa municipal gym bilang evacuation center.
