KORONADAL CITY- Nagapadayon sa gihapon ang imbestigasyon sang mga otoridad sa nagluntad nga pagpangsunog sa isa ka business establishment sa syudad sang Koronada kagina sang kaagahon.
Sa interbyu sang Bombo Radyo Koronadal kay FO3 Juriel Rodel sang Koronadal City fire station, padayon pa nga ginahibalo ang motibo sa pagsunog sa Gear up auto parts and accessories sa Morrow st. Brgy. Zone 2 syudad sang Koronadal.
Sa subong ginahulat pa ang dugang nga impormasyon halin sa tag-iya angot sa balor sang mga nasunog apang sa pihak nga bahin sa pagbulubanta sang Koronadal City fire office, indi maganubo sa P5 million ang balor san nasunog.
Sa subong gina imbestigaran pa ang CCTV footage sa nasambit nga shop kun sa diin ginapatihan nga 4 ka armado nga lalaki ang may kahimuan sang nasambit nga pagsunog.
