KORONADAL CITY – Ginpasiguro sang mga otoridad nga ginatutukan nila ang kaso sang pagluthang-patay sa empleyado sang Commission on Higher Education (CHED) Region 12.
Ini ang ginpahayag ni Police Supt. Barney Condes, hepe sang Koronadal City PNP.
Suno kay Condes, may lead na nga ginasundan ang kapulisan sa kaso ni Jennifer Oñas, nga naka-assign sa record section sang nasambit nga talatapan makaligad nga makakuha sang mga vital information sa ila nga pag-iimbestigar apang nagpamalibad anay ini nga ipalayag sa publiko.
Ginakonsiderar sa gihapon ang anggulo nga work related sa pagpatay kay Oñas.
Madumduman nga gindeklarar nga dead on arrival sa hospital ang biktima makaligad nga ginluthang sang wala pa makilal-an nga mga suspek sa regional center sang Martes sang aga.
Nahibaluan nga ginpaidalom naman sa autopsy ang bangkay sang biktima.
Madumduman nga antes pa man ginpatay ang biktima, una na nga nakabaton sang death threat ang CHED-12 regional director na si Dr. Maximo C. Aljibe.
