KORONADAL CITY- Ginakahadlukan subong ang pangin malapnagon sang balatian nga dengue sa probinsya sang Sultan Kudarat bangud sa malapnagon nga pagbaha nga nangin tunaan sang pagdamo sang lamok sa palibot.
Pinakaapektado nga lugar amuh ang Brgy. Zone 4 kag Zone 1 sang syudad sang Tacurong kun sa diin nakapagkit sang pito ka kaso sang dengue sa mga residente.
Nahibaluan nga sang nakaligad lang nga semana isa man ka pamilya ang nabiktima sang dengue kun sa diin ginkaalarma sang Provincial kag City Health Office.
Sa subong ginatun-an pa kun magdeklara sang state of calamity bangud sa asud-asod nga napagkit nga kaso sang dengue sa nasambit nga lugar.
Nahibaluan nga kahapon nga adlaw halos lumos sa baha ang kadamuan nga bahin sang syudad sang Tacurong bangud sa wala untat nga pagbubo sang ulan.
