KORONADAL CITY- Padayon ang panawagan sang mga pro-mining groups sa probinsya ng South Cotabato ilabi na sa banwa sang Tampakan nga indi pagbalabagan sang tiglikom sang Department of Environment and Natural Resources (DENR) Sec. Gina Lopez ang pagmina sa nasambit nga banwa.
Sa interbyu sang Bombo Radyo Koronadal kay Amay Collado, Indigenous People’s Mandatory Representative sang Tampakan South Cotabato, indi suno pa nila luyag nga makumpirma bilang tiglikom sang DENR si Lopez bangud kasubong nga sarado suno pa ang huna huna sa maayo nga maghatag sang pagmina.
Nahibaluan nga sa pakigsapol kay Lopez, ginaduso suno pa sa ila nga hatagan nalang sang alternatibo nga palangabuhian ang mga nagasalig sa mining kasubong sang ubra sa pagrehabilitate sang mga naguba nga kabukiran butang nga gin-bweltahan sang mga kaupod sini sa pro-mining group.
Ginhatagan punto ni Collado nga mas dako pa ang gina ganar nila sa pagmina kun ikumparar sa paghatag sang trabaho sa pagrehabilitate sang kinaiyahan.
Dugang pa sini nga dako nga dagok suno pa sa ekonomiya ang tigayon nga indi na pagbalik sang pagmina sa probinsya.
