KORONADAL CITY- Ginkumpirmar ni Raja Buayan Mayor Engr. Zamsamin Ampatuan ang pagtaliwan ni Simeon Datumanong sa edad nga 82 anyos kun sa diin ini ang ginkilala bilang isa ka Muslim leader, politician kag statesman sa pungsod.
Sa impormasyon nga ginpalab-ot sa Bombo Radyo Koronadal, nagtaliwan kagab-i ang anay mamalidha bangud sa cardiac arrest base sa pamilya sini.
Nahibaluan nga si Datumanong ang naka confine sa Philippine Heart Center sa sulod sang 2 ka semana bag-o ginbawian sang kabuhi.
Nagpalab-ot naman sang pakigsimpatiya ang mga abyan kag mga katrabaho ni Datumanng sa nabilin nga pamilya sini.
Nahibaluan nga si Datumanong ang nagsirbe nga gobernado sang Maguindanao kun sa diin gin uyatan man sini ang nagkalain-lain nga government positions kasali na ang pangin Representative sang lone district of Maguindanao.
Ginlubong naman ini base sa tradisyon sang Muslim sa bahin sang Poblacion Sharif Aguak, Maguindanao.
