KORONADAL CITY- Padayon nga nagapaayo sa ospital ang 43-anyos nga ginang matapos maigo sang nagtalang nga bala sa tunga sang engkwentro sang CAFGU members sang 72nd IB kag sang Guerilla Front 51 New people’s Army (NPA) sa Sitio, Tinawayan, brgy. Badiangon, Arakan, North Cotabato.
Ginkilala ang biktima nga si Jessica Ventura Bange, residente sang Brgy. Malire, Antipas sang nasambit nga probinsya.
Nakaangkon ini sang igo sang bala sa iya nga kamot nga naglusot naman sa iya nga hawak.
Nahibaluan nga nagluntad ang engkwentro sang paulanan sang bala sang NPA ang 4 nga CAFGU members samtang sakay sang ila nga motorsiklo.
Nagbalos naman sang lupok ang CAFGU batuk sa rebelde nga grupo.
Maayo na lamang kag wala sang naigo kag napilasan sa mga ini.
Padayon naman nga ginaberipika sang militar ang identity sang NPA members nga nakaengkwentro sang mga CAFGU.
