KORONADAL CITY- Ginsuspinder na ang military kag police operations sa bahin sang Sultan Kudarat para sa pagrelease sang 2 ka suldado nga gin abduct sang New People’s Army NPA sa banwa sang Columbio sa nasambit nga probinsya sang Pebrero 2.
Ginpahayag ni Sultan Kudarat Governor Sultan Pax Mangudadatu nga naghingyo ini sa police kag army units operating sa Columbio kag sa mga kalapit nga lugar nga untaton anay ang ila nga operasyon tubtob sa matapos ang negosasyon sa paghilway mga bihag nga suldado.
Base sa gobernador nga chairman man sang Regional Peace and Order Council of Region 12 nga nakaistorya na sini ang leader sang NPA nga amuh naman ang may kapot kanday Sgt Solaiman Calocop kag Private 1st Class Samuel Garay nga mga prisoners of war.
Ginhatagan punto man sang opisyal nga wala sang ginahingyo nga demand ang nasambit nga grupo sang NPA sa pag release sa mga suldado.
Ginpasiguro naman sini nga bukas sila nga makig istorya sa rebelde nga grupo sa anuman nga butang sa tion nga mahilway na nila ang ila bihag nga mga suldado.
