KORONADAL CITY-Naluwas na ang isa ka Overseas Filipino Worker makaligad nga masalbar sa mapintas nga amo sa bahin sang Alkhobar, Saudi Arabia.
Sa impormasyon nga ginpalab-ot ni Bombo Correspondent Boyet Forro, ginkilala ang nasambit nga OFW kay Naumie Lumanda Demalinao sang Panabo Davao City kun sa diin 11 ka bulan pa lang ini sa iya nga mga amo nga tuman suno pa ka mapintas.
Base sa kay Bombo Boyet, masami ini ginasakit sang iya nga amo ilabi na nga kun indi sini matapos gilayon ang iya nga ubra sa gintalana sini nga oras.
Masami suno pa ini ginatampuyong kag ginasumbag sa ulo sang amo sini nga lalaki.
Luwas sina makapila naman ka bes ini nga ginahana nga luguson sang amo nga lalaki kag 8 ka bulan naman nga wala nagabaton sang nagakaigo nga sweldo.
Ang masakit man nga gina antos ini amuh ang paglatigo sa iya sang amo kun indi sini masarangan ang iya mga trabaho.
Makaligad ang gilayon nga aksyon Bombo Boyet Forro, pebrero 6 nakapauli na ini sa syudad sang Davao kag nakaupod na ang iya sini nga pamilya.
Tuman naman ang kalipay sini bangud nahatag naman balik sa iya ang iya 8 ka bulan nga sweldo nga wala nahatag sa iya.
