Lalaki ginluthang makaligad makigkita sa textmate

KORONADAL CITY- Tuman ang paghinulsol sang soltero makaligad maluthangan sa itsura kag tuman nga napilasan matapos makigkita sa iya nga textmate sa Brgy. Ambalgan, Sto. Niño South Cotabato.

Ginkilala ang biktima kay Jomar Carigaba 26 anyos kag residente sang Brgy. Benitez sa banwa sang Banga, South Cotabato kun sa diin gin-initan suno pa ini sang suspek nga ginkilala lang sa pangalan nga “Anwar” makaligad makigkita sa textmate nga wala ginhingadlan.

Posible suno pa nga selos ang kabangdanan sang pagpangluthang sa biktima kag posible nga karelasyon sang iya nga textmate ang suspek.

Sa subong naga-paayo na ang biktima sa balay bululngan makaligad ang insidente.