KORONADAL CITY- Ginalauman nga magadala sang dako nga pagbag-o political landscape sang rehiyon ang pagsali sang madamo nga incumbent elected officials sa Autonomous Region in Muslim Mindanao (ARMM) sa political party ni Pangulong Rodrigo Duterte.
Nahibaluan nga 31 nga mga alkalde, 9 nga bise alkalde kag 9 nga provincial board members ang nagpanumpa sa atubang ni Energy Undersecretary Benito Ranque, secretary general for Mindanao sang Partido Demokratikong Pilipino–Lakas ng Bayan (PDP-Laban) bilang kabahin sang ila nga pormal nga pagsulod sa grupo.
Nagapati si Maguindanao Mayors’ League president Freddie Mangudadatu nga nagpanguna sa first batch sang party recruits, nga majority sang mga opisyal sa ARMM ang magsunod sa ila sa pagsali sa political party sang Pangulo agud mangin “Duterte Country” ang ila nga rehiyon.
