KORONADAL CITY – Dako nga dungog para sa pamilya Pabalinas ang balita nga makabaton sang medal of valor ang SAF 42 kaupod na si PSI Ryan Pabalinas.
Ini ang reaksiyon ni Ginang Nanette Pabalinas, tiya ni PSI Pabalinas sang mainterbyu sang Bombo Radyo Koronadal.
Suno kay Ginang Nanette, indi malipod nga malipayon sila sa ginpahayag ni Pangulong Rodrigo Duterte bangud dapat lamang suno pa nga hatagan sang pagkilala ang tanan nga Special Action Force members nga nagbuwis sang kabuhi agud nga mapatay lamang ang ginakabig nga International wanted terrorist nga si Zulkifli Bin Hir alyas Marwan.
Apang sa subong, wala oa makabaton sang imbistasyon si Ereka, ang asawa ni PSI Pabalinas gikan sa malakanyang kun san-o igahatag ang medal of valor.
Kaangot sini, nagalaum ang pamilya Pabalinas nga magluwas sa pagkilala, maangkon man sang SAF 44 ang hustisya nga ila ginahandum.
Sa dalagan suno pa sang kaso sa subong, positibo sila nga mahatag ini sa idalom sang Duterte administration.
