Estudyante ginluthang patay sang riding in tandem sa North Cotabato

KORONADAL CITY- Nagapadayon ang imbestigasyon sang kapulisan sa nagluntad nga pagpa-ulan sang bala patay sa isa ka estudyante sa bahin sang Arakan, North Cotabato.

Ginkilala ang biktima kay Rey Antoque Rabadon, 26 anyos kag residente sang Sitio Talaytay , Brgy. Malibatuan Arakan North Cotabato kag estudyante sang Cotabato Foundation College of Science and Technology Doroluman.

Base sa imbestigasyon sang kapulisan, riding in tandem ang nagpangluthang sa nasambit nga biktima samtang papauli halin sa buluthuan samtang narekober naman ang basyo sang kalibre 45 nga armas luthang sa crime scene.