NPA giyera ang ginapreparahan, indi kalinong- South Cotabato Gov. Fuentes

KORONADAL CITY- Gin-abuso sang iban nga myembro sang New People’s Army (NPA) ang ginhatag nga tsansa sang gobyerno para makaangkon sang peacetalks.

Ini ang nangin panan-awan ni South Cotabato Governor Daisy Avance-fuentes angot man sa pagkanselar ni Pangulong Rodrigo Duterte sa peacetalks negotiation sa tunga sang gobyerno kag CPP-NPA-NDF.

Isa sa ginhalimbawa sini ang ginhimo nga extortion kag pagpangsunog sang NPA sa probinsya sa pihak sang nagapadayon nga negosasyon sang grupo kag gobyerno.

Magluwas diri, nagbutang man sila sang training ground sa isa ka sitio sa banwa sang Banga sa probinsya nga nagapakita nga wala sila nagapreparar para sa kalinong sa baylo sa giyera.