Lake Sebu ginpaidalom na sa state of calamity bangud sa fish kill

KORONADAL CITY– Ginpaidalom na sa state of calamity ang bug-os nga banwa sang Lake Sebu, South Cotabato bangud sa malapnagon nga fish kill nga nakaapekto sa masobra 1.3-M kilos sang tilapia.

Sa interbyu sang Bombo Radyo Koronadal kay Lake Sebu Municipal Agriculturist Zaldy Artatcho, masobra 464 fish cage operators na ang apektado sang fish kill kun diin naglab-ot na sa milyunes ka pesos ang pagkalugi sang mga ini.

Nahibaluan nga antes pa man ang deklarasyon sang state of calamity sa bug-os nga banwa sang Lake Sebu , una na nga nagdeklarar ang 3 ka barangay sa nasambit nga banwa sang state of calamity nga ginalakipan sang Brgy. Poblacion, Takunel kag Bacdulong nga lubos nga naapektuhan sang kalamidad.