KORONADAL CITY– Gilayon nga nagconvene ang crisis management council nga ginhimo agud nga maluwas ang 2 ka suldado sang 39th Infantry Batallion Philippine Army nga gin-abduct sang mga rebelde nga NPA sang myerkules sa banwa sang Columbio, Sultan Kudarat.
Ini ang ginpahayag ni PSI Bernard Francia hepe sang Columbio PNP sa interbyu sang Bombo Radyo Koronadal.
Base kay Francia ang crisis management council ang ginpangunahan ni Mayor Amirh Musali sang Colombio nga suportado sang manifesto halin sa nagkalain-lain nga sektor sa nasambit nga banwa.
Kaupod man sang ginhimo nga council ang mga pulis kag militar nga amuh naman ang magahatag sang update sa ginahimo nga hot pursuit operation batuk sa 20 ka mga armado nga kalalakihan nga nag abduct kanday Sgt. Solaiman Calocop kag Private First Class Samuel Garay sang Army’s 39th Infantry Battalion.
Kadungan sini, hugot nga ginkondenar sang 10th ID Philippine Army ang ginhimo nga pag abduct sang NPA front 72 sa 2 ka suldado.
