KORONADAL CITY – Nagapadayon ang imbestigasyon sang kapulisan sa pagluthang patay sa isa ka barbero sa bahin sang Perez st. sa syudad sang Kidapawan.
Ginkilala ang biktima nga si Danny Emuelin 36 anyos, may asawa kag isa barbero sa Tamayo Barber shop sa Mega market kun sa diin residente sa gihapon sang nasambit nga syudad.
Base sa mga nakasaksi sakay suno pa sang motorsiklo ang biktima sang ginluthang ini sang wala makilal-an nga suspek nga sakay man sang isa ka motorsiklo.
Nakadalagan pa ang biktima apang liwat nga ginpaulanan sang bala tubtob sa mapatay.
Narecover sa crime scene sang SOCO ang mga basyo sang bala sang kalibre .45 nga pistoya samtang nakaangkon naman sang 6 ka igo sang bala sa ulo kag lawas ang biktima. Nagapadayon naman ang imbestigasyon sang mga otoridad.
