KORONADAL CITY– Ginsalakay sang isa ka grupo sang mga netibo ang Banana plantation sang DOLE philippines sa Brgy. Simbo sa banwa sang Tupi, South Cotabato kun sa diin nagresulta sa pagkapatay sang isa ka persona.
Base sa impormasyon, gin-utod suno pa sang mga natibo ang pila ka punuan sang saging makaligad magprotesta kag luya g nga bawion sang mga ini ang yara sa masobra 1000 ka ektarya sang lupa nga kasamtangan nga ginatanuman sang saging sang dako nga kumbuyuhan nga gina claim sang mga netibo.
Gilayon suno pa nga nagresponder ang gwardya sang kumbuyuhan nga ginkilala kay Leo Tolentino kun sa diin nagpalupok ini sang armas luthang kag naigo ang isa sa mga land claimant nga si Radsak Mama samtang pilason naman si Henry Tam.
Sa subong nagapadayon pa ang imbestigasyon kag ginalagas na ang gwardya nga nakaluthang patay kay Mama.
