KORONADAL CITY – Ginakabalak-an na sang mga otoridad ang serye sang pagpanunog sang ginapatihan nga New People’s Army (NPA) sa probinsya sang South Cotabato.
Ang pinakabag-o nga insidente sang pagpanunog sang rebelde nga grupo ang nagluntad kagab-i kun sa diin isa ka unit sang husky bus ang ila nga ginsunog sa bahin sang Barangay Morales, Koronadal City.
Nahibaluan nga base sa isa ka pasahero, 3 ka kalalakihan ang ulihi nga nagsakay sa nasambit nga bus kag pag-abot sa Barangay Morales ginpapanaog ang mga ini kag sunod nga ginsunog ang salakyan.
Ginpahayag naman ni South Cotabato PNP Provincial Director Senior Supt. Franklin Alvero nga nabudlayan sila nga mgahimo sang tikang batuk sa rebelde nga grupo bangud naman sa ginapatuman nga unilateral ceasefire.
