KORONADAL CITY – Napreso ang isa ka 95-anyos nga lolo matapos nga gintiro sini ang iya kaingod sa Purok 26- B, Sitio Mayrin, Brgy. Maa, siyudad sang Davao bangud sa selos.
Ginkilala sang Maa PNP ang biktima nga si alias Totoy, 53 anyos, usa ka driver, samtang ang suspek nga nagpaniro amo si Lolo Joseng, 95-anyos, wala trabaho kag lunsay mga residente sang nasambit nga lugar
Sandog sa report sang kapulisan, selos ang rason sang pagpaniro sang suspek sa biktima matapos nga nakita sini ang iya naluyagan nga menod de edad nga nagpakig-istorya sa abyan sini nga kaingod niya man balay.
Nagbakal lamang suno pa ang menor de edad sa tindahan nga ginapanag-iyahan sang biktima rason nga nakig-istorya ini.
Bangud nga naglahog ang bikitma sa dalagita nakita sang suspek nga nagkinadlawanay sila gani naakig ini.
Nakibot na lamang ang duha sang nagpalapit ang suspek kag gintiro sini ang biktima nga wala na makalikaw pa.
Gilayon naman nga gindala sa hospital ang biktima para sa nagakaigo nga pagbulong.
Desidiso naman ini nga magpasaka sang kaso batuk kay Lolo bangud sa ginhimo sini.
