KORONADAL CITY – Indi malikawan nga mangin sentro naman sang balita kag pagaistoryahan si anay first lady Imelda Marcos kadungan sang ika-93 anyos nga kaadlawan sini subong nga adlaw.
Ini bangud kabahin na suno pa siya sang kasaysayan sang Pilipinas kag iloy sang kasamtangan nga pangulo.
Ini ang reaction ni Mr. Danilo Arao, Professor sang UP sang lead convenor sang Kontra Daya.
Suno kay Professor Arao, makatilingala lamang nga subong mabaskog na si Imelda kun ikumparar sang nagliligad nga tuig nga indi na ini makaistorya kag maluya na.
Amo gani nga wala ini mapreso apisar nga conviktado sa 7 ka counts sang kaso nga graft and corruption sang panahon sang iya bana nga si anay Pangulong Ferdinand Marcos SR.
Dugang pa ni Arao, panahon na siguro nga magmuklat ang katawhan kag pasabton sang iya nakomiter nga sala ang anay first lady.
Samtang, sa baylo nga tamyawon si Imelda sa iya kaadlaw, ginpahayag ni Arao nga mas pakamaayuhon niya nga magsindi sang 7 ka kandila bilang pagkundenar sa 7 counts nga conviction sang graft case sini.
Kadungan sini, nagalaum ang UP professor nga itudlo sa gihapon sa subong nga henerasyon kag sa madason pa ang kamatuoran sang tion sang Martial Law kag natabo sang panahon nga yara sa posisyon ang amay ni Pangulong Ferdinand Marcos, Jr.
