ESPERANZA, SULTAN KUDARAT – Naglab-ot sa 9 ang napagkit nga pilason sa nagluntad nga pagtakilid sang isa ka pampasahero nga bus nga nahulog sa creek sa banwa sang Ezperanza, Sultan Kudarat.
Ini ang ginpahayag ni Police Corporal Harlem Caro, Desk officer sang Ezperanza PNP sa esklusibo nga interbyu sang Bombo Radyo Koronadal.
Suno kay Caro, nagtakilid suno pa ang isa ka unit sang husky bus sa dalanon sang Brgy New Tarlac sa nasambit nga banwa bangud sa pagkahulog sini sa creek nga indi man tuman kadalom.
Halin suno pa sa General Santos City ang bus ang padulong na sa Cotabato City sang matabo ang insidente.
Naguwa sa imbestigasyon nga nadulaan sang kontrol ang driver samtang nagamaneho bangud man sa kadanlog sang dalanon kag maayo lang nga mahinay ang pagpadalagan rason nga naka-angkon lamang sang minor injuries ang mga biktima.
Kaangot sini, ginpasiguro man sang pamunuan sang Husky Bus ang bulig para sa mga napilasan nga mga biktima.
Sa karon, nagpadayon ang imbestigasyon sang PNP sa nasambit nga insidente.
