KORONADAL CITY – Naglab ot sa siyam ang pilason sa natabo nga asud asud nga pagpamumba sa duha ka banwa sa probinsya sang Maguindanao pila ka oras antes ang pag abre sang mga presinto sa subong nga adlaw sang eleksyon.
Ini ang ginpahayag ni Col. Oriel Pangcog, commander sang 601st Brigade Philippine Army sa interbyu sang Bombo Radyo Koronadal. Suno kay Pangcog, una nga ginkibot sang tuman ka kusog nga paglupok ang banwa sang Datu Unsay kag Sahriff Aguak Maguindanao pasada alas siyete kagab i nga ginsundan naman kaina sang kaagahon antes ang piniliay.
Yara sa siyam katao ang pilason sa pag sigabong nga natabo lapit sa Municipal Hall sang Datu Unsay Maguindanao. Nagpasalamat naman ang mga pilason nga lunsay mga minor injuries lamang ang naangkon sang mga ini. Luwas sa banwa sang Datu Unsay Maguindanao, duha man ka pagsigabong man ang natabo sa National Highway sang Shariff Aguak Maguindanao.
Suno kay Col. Pangcog, M79 grenade launcher ang ginpasigabong sang mga armado nga kalalakihan sa karon ang ginahibalo pa kung ano nga grupo ini nga luyad maghimo sang kinagamo sa adlaw sang eleksyon.
Samtang, diri sa South Cotabato, napagkit naman ang tensyon sa banwa sang Lake Sebu makaligad nga may yara sang mga armado nga kalalakihan nga nanghadlok kag suno pa ginpahayag nga mga private armies sila sang isa ka kandidato sa probinsya.
