KORONADAL CITY – Nagapadayon sa subong ang monitoring kag damage assessment sang Office of the Civil Defense Region 12 sa nagkalain-lain nga lugar sa Socsksargen matapos ang pagtay-og sang Magnitude 6.3 nga linog kahapon sang Udto kun diin sentro ang Magsaysay,Davao Del Sur.
Sa interbyu sang Bombo Radyo Koronadal kay Joeremae Balmebiano, ang information officer sang OCD 12, tubtob sa subong nagapadayon ang clearing operation sa pagkuha sang mga datos para sa consolidation sang mga damyos sang linog bagud may yara sang mga lugar nga may napagkit nga litik, guba sang mga puluy-an kag edifisyo.
Nagabantay man ang mga talatapan sang Barangay, Municipal, City kag Provincial Disaster Risk Reductions and Management Council sa tanan nga mga lugar sa posibilidad sang mga mabaskog nga after shocks.
Sa siyudad lamang sang Koronadal napagkit ang 9 ka pilason nga gindala sa South Cotabato Provincial Hospital samtang may mga nakita nga litik sa mga edifisyo sa Kabacan kag Makilala sa North Cotabato samtang may mga damyos man sa Barangay Hall sa banwa sang Colombio, Sultan Kudarat.
