KORONADAL CITY — Naglab-ot sa siyam ka myembro sang New People’s Army o NPA sa banwa sang Kalamansig, Sultan Kudarat ang nagsungka.
Ini ang ginkumpirmar ni Lt. Col. John Paul Baldomar, tagpamaba sang 6th ID Philippine Army sa interbyu sang Bombo Radyo Koronadal.
Suno kay Baldomar, ang mga nagsungka ang miyembro sang West Daguma Front, Far South Mindanao Region (FSMR) nga nangin militia sang Bayan kag suno pa gin-recruit sang isa ka Edgar Kandi nga nag-tipyok sa Communist Terrorist Group ukon CTG.
Nagsungka ang mga ini sa Sitio Tinapakan, Barangay Datu Ito Andong kag Sitio Nursery ng Barangay Sta. Clara sa banwa sang Kalamansig.
Nagbalik sa sabak sang gobyerno ang mga ini agud liwat nga makapangabuhi sang normal kag malinong kaupod ang iya pamilya.
Dala sang mga ini sa ila nga pagsungka ang 10 ka shotgun kag isa ka homemade kalibre 38 revolver.
