KORONADAL CITY – Ginbawian sang kabuhi ang isa ka 9 months old nga baby girl makaligad nga ginbunosang pila ka bes sang kaugalingon nga tiya sini sa Purok Tagumpay ,Brgy. General Paulino Santos, syudad sang Koronadal.
Ini ang ginkompirmar ni Kagawad Danilo Delos Santos sa interbyu sang Bombo Radyo Koronadal.
Suno sa opisyal, nakabaton ini sang balita nga may yara sang isa ka lapsag nga nahulog suno pa sa ulunan apang sang gindangat suno pa ini sa balay bulul-ngan.
Tuman ang kakibot sang mga ini sang nakabaton sang tawag nga halin sa mga otoridad nga gin buno ang nasambit 9 months old nga lapsag nga kaugalingon sini nga tiya ang naga atipan kag naga bantay sa iya humalin sa gin bun-a ini.
Nakaangkon ini sang buno ang lapsag sa nakalain lain nga parte sang iya nga lawas rason nga nangin tunaan sang iya nga kamatayon.
Dugang pa sang opisyal, posible suno pa nga nadula sa iya nga kaugalingon sa pag hunahuna ang indi gina pangalanang suspek bangud sa Depression bangud sa gina pangatubang sa kabuhi.
Pahayag pa sang opisyal, mabuot suno pa ang suspek kag palangga niya ang iya nga gina atipan nga hinablos halin pa nga nagpanumbalik sa guwa sang pungsod ang utod sini nga panganay nga iloy nga iya gina atipan.
Sa subong, indi sa gihapon nga nahibaluan sang pamilya sang biktima kong paano ipalab-ot ang masubo nga balita sa iloy sini bangud yara sa guwa sang pungsod.
Ginpaidalum naman sa psychological intervention ang suspek agod magpanumbalik sa husto nga huna huna.
