KORONADAL CITY– Nag-alabot na ang grupo sang mga International performers sa syudad sang Koronadal nga naghalin sa member countries sang International Council of Organizations of Folklore Festival and Folk Arts (CIOFF) para sa CIOFF International Folklore Festival 2018 nga pagahiwaton sa syudad.
Suno sa Artistic Director sang CIOFF Philippines nga si Edwin Duero, ang nasambit nga aktibidad ang may tinutuyo nga i-showcase ang traditional dances, music, games kag iban pa nga art forms sang mga kalakip nga pungsod kun sa diin 9 ka international performing groups ang maga performa nga ginakabug-usan sang Gandrung Dance Studio sang Indonesia, Yang Ju Byul San Dea & Yeon Dance Group sang South Korea, Kumpulan Citrabudaya Kelab Melayu – N. Sembilan sang Malaysia, As Tamarii Vaipua Ma sang Tahiti, Mazisi Kunene Foundation Zwakala Folk Dance Ensemble sang South Africa, Ansamblul Folcloric Studentesc “Martisorul” Cluj Napoca sang Romania, Children and Youth Ensemble- Leesikad sang Estonia kag may yara man nga halin sa Carribean Islands kag Kingdom of Thailand.
Luwas sa international performers may mga ocal performing groups man nga ginakabug-usan sang Sinin Kambayoka Ensemble sang MSU Marawi, ECD Dance Company, UP Dance Company – UP Diliman, Koronadal Hinugyaw Cultural Dance Troupe.
Ang aktibidad ang magasugod sa Agusto 11 tubtob 18, 2018.
