KORONADAL CITY– Isa ang patay samtang duha naman ang pilason makaligad nga nabangga sang isa ka unit sang bus ang ginasakyan sang mga ini nga motorsiklo sa bahin sang Barangay Poblacion, Kidapawan City.
Ginkilala sang mga otoridad an mga biktima nga sanday Ramil Ceniza Pitogo (pilason) 40 years old, may asawa, backrider sini nga si Teresita Aspa (pilason), 60 years old nga lunsay mga residente sang Barangay Dalipe, Mlang, Cotabato.
Patay naman ang menor-de-edad nga biktima nga backrider sang mga ini nga si “Perry” nga tupad-balay lamang sang mga pilason nga biktima. Ginkilala naman ang driver sang bus nga si Zac,37 years old, may asawa kag residente naman sabg Purok 3, Barangay Pagangan, Aleosan, Cotabato.
Nagguwa sa imbestigasyo sang traffic section sang Kidapawan PNP nga parehas nga gina-subay sang motorsiklo kag bus ang kalabaon sang Quezon Boulevard, Barangay Poblacion, Kidapawan City sang nagluntad ang aksidente.
Yara sa innermost lane o fast lane ang bus samtang ara naman sa inner lane ang motorsiklo sang mga biktima. Pag-abot sa ginluntaran sang aksidente, hinali suno pa nga nagliko ang wala(left) nga bahin ang motorsikto kag wala napansin sang nagasunod nga bus kabangdanan sang pagkabangga sang wala(left) nga portion sang bus kag tou(right) portion sang motorsiklo.
Sa kabaskog sang impact nag-angkon sang pilas ang driver sang motorsiklo kag ang duha sini ka mga angkas. Bangud naman sa naangkon nga head injury , gindeklarar nga dead-on-the-spot ang menor de edad nga biktima.
Madasig naman nga gindangat sa balay-bululngan ang pilason nga driver sang motorsiklo kag ang babayi nga angkas sini.
Sa kasamtangan, yara na sa kusodiya sang Kidapawan PNP ang driver sang bus kag magapangatubang ini sang kaso na Reckless Imprudence Resulting to Homicide kag 2 counts sang Physical Injury.
