KORONADAL CITY- Naglab-ot sa 81 ka myembro sang Underground Mass Organization (UGMO) halin sa Dulangan Manobo Tribe ang nagsungka sa militar sa probinsya sang Sultan Kudarat nga nagasuporta sa komunista kag rebelde nga NPA.
Ang mga ini ang nagsungka kadungan sang ika 50 nga anibersaryo sang NPA kun sa diin ang mga UGMO members ang nahibaluan nga naghalin pa sa nakalain-lain nga Sitio sa Brgy, Kabulangan, Bagumbayan Sultan Kudarat nga nagsirbe nga reinforcement sang NPA sa tagsa nga may engkwentro ang rebelde nga grupo sa Sultan Kudarat kag South Cotabato.
Ginsuportahan suno pa nila sadto ang NPA bangud sa isyu sa gihapon sang ancestral domain nga ginsakop suno pa sang isa ka dako nga kumbuyuhan sa nasambit nga lugar nga nagresulta sa pagrebelde sang tribo.
Samtang makaligad ang tigayon nga pagsungka ang mga ini ang nagpanumpa sa militar kag sa lokal nga gobyerno bilang pakig-alyansa kag agud magbulig sa pagtapna sa komunista kag rebelde nga grupo.
Makabaton man ang mga ini sang bulig pinansyal kag iban pa nga benepisyo halin sa gobyerno.
