KORONADAL CITY- Nakaangkon sang pagdayaw sa syudad sang Koronadal ang dedikasyon sang isa ka 81 anyos nga Sports trainer sa nagapadayon nga Koronadal City Athletics Association meet.
Sa interbyu sang Bombo Radyo Koronadal, ang nasambit nga sports trainer ang ginkilala kay Miguel Cheng nga isa ka full blooded Chinese apang ginakabig ang kaugalingon nga isa ka puro nga pinoy.
Nahibaluan nga si Cheng ang nagabulig sa mga atleta halin sa syudad pinaagi sang paghatag sang proper training sa patag sang Badminton, Table Tennis kag Volleball ilabi na sa mga ginapahampang sa Palarong Pambansa.
Suno kay Cheng, sekreto sa aktibo kag mabakod nga lawas sini ang pagkamahiligun sa sports, exercise kag masustansya nga pagkaon.
Samatang satisfying naman para sa 81 anyos nga trainer ang pagbulig sa mga atleta nga South Cotabateño nga malab-ot ang ila nga mga handum sa patag sang hinampang.
