Naglab-ot sa 80 nga anay mga rebelde sang komunista ang nagpanumpa sang ila katapatan sa pagsunod kag tuluyan nga pagbiya sa ila grupo.
Ang amo nga seremonya ginhiwat sa probinsya sang Aurora, suno sa Department of the Interior and Local Government (DILG).
Ginpangunahan ini sang 91st Infantry (Sinagtala) Battalion, upod ang Office of the Presidential Adviser on Peace, Reconciliation, and Unity (OPAPRU).
Suno sa DILG, natabo ang pagpirma sang katapatan sa Barangay Ipil sa banwa sang Dipaculao, kun sa diin ang mga anay rebelde nag-upod sa seremonya paagi sa pagsunog sang mga bandera sang Communist Party of the Philippines-New People’s Army-National Democratic Front (CPP-NPA-NDF), bilang simbolo sang ila pagtalikod sa ideolohiya sang communist terrorist group (CTG).
Ginpahayag man ni DILG Aurora Provincial Director Ener Cambronero nga ini nga aktibidad nagapakita sang dedikasyon sang gobyerno sa pagpangabudlay nga makab-ot ang katawhay sa pungsod.
